Foreldra til Ole Larsen Nerland, fødd 1825 i Grytten

[dn26165]

Ole Larsen døydde på Nerland i Hustad 30.12.1909. Det vart då opplyst at han var fødd i 1825. I klokkarboka vart det skrive først at han var fødd på Nerland. Dette er seinare endra ved at Nerland er streka over. Med ei anna handskrift er det skrive Grytten.

http://www.arkivverket.no/URN:kb_read?i ... _side=-272

I 1865 budde Ole Larsen på Gudal (Godal/Gådal). I FT1865 er det opplyst at han var 40 år og fødd i Bud prestegjeld.

http://digitalarkivet.no/cgi-win/webcen ... k=431#ovre

Då han gifte seg 25.06.1877 i Kornstad kyrkje (under namnet Ole Larsen Farstad) med Elen Gjertsdotter (vigsel nr. 20) er det opplyst at han var fødd i Grytten, og at far hans var Lars Johnsen.

http://www.arkivverket.no/URN:kb_read?i ... _side=-188

Kona Elen døydde 10.04.1894. I klokkarboka er det skrive til (med ei anna handskrift) at ektemannen Ole Larsen var fødd i Grytten 1825.

http://www.arkivverket.no/URN:kb_read?i ... _side=-235

FT1900 for Bud herad er Ole Larsen busett på ”Julhaugteigen”, gnr. 17 bnr. 21 (på Nerland) saman med dei to eldste attlevande borna. Det er også der opplyst at han var fødd i Grytten 1825.

http://digitalarkivet.no/cgi-win/webcen ... =1576#ovre

Sjølv om det er avvik i FT1865 meiner eg at dette er fullgod dokumentasjon for at Ole Larsen Nerland var fødd i Grytten i 1825, og at far hans heitte Lars Johnsen.

For å finne dåpen av Ole Larsen har eg bladd i kyrkjebøkene for alle sokna i Grytten, både i 1825 og dei næraste åra før og etter. Eg har ikkje makta å finne meir enn ein høveleg kandidat. Det er dåp nr. 2 for Kors sokn i 1825 (i ministerialboka).

http://www.arkivverket.no/URN:kb_read?i ... x_side=-16

I rubrikken "Barnets fulde Navn" er det ført inn Ole Larsen Monge. Vidare er det opplyst at han var døypt 05.06.1825, og at han var født 18.05.1825. I rubrikken "Forældrenes Navn, Stand og Opholdssted" er det opplyst: "Pige Eli Olsdatter Abbelstad fra Sell i Waage Præstegjeld hvilken angave Drengen Lars Johnsen Stokke som Fader til dette hendes" barn. Ole ble ført inn som "uægte Børn". (Som fadrar er ført opp: "Niels Arnesen Monge og Hustrue Guri Endresdatter; Knud Amundsen Remmem og Hustrue Sigri Olsdatter; Dreng Niels Olsen Stavem og Pige Marith Paulsdatter Kylling".)

Tilsvarande opplysningar finst også i klokkarboka for Kors, dåp nr. 1 for 1825 (med det unnatak at fødselsdatoen der er opplyst å vere 28. mai 1825).

http://www.arkivverket.no/URN:kb_read?i ... x_side=-16

Den 14 april 1841 flytte ein ung gut, dreng Ole Larsen, frå Grytten til Nerland i Bud ”For at tjene”, innflyttar nr. 8. Det er opplyst at denne guten var fødd 18.05.1825 og døypt 05.06.1825. I rubrikken "Fra hvilket Sted indflyttet og hvor født" er det opplyst Stokke i Grytten. Eg trur ikkje det kan vere grunnlag for tvil om at denne guten må vere identisk med ovanfor nemnte Ole Larsen Monge, son av Eli Olsd. Abelstad og Lars Johnsen Stokke. (Han hadde med presteattest som truleg kunne ha hatt fleire opplysningar, men denne ser ikkje ut til å finnast lenger – i alle fall ikkje i statsarkivet.)

http://www.arkivverket.no/URN:kb_read?i ... _side=-116

Ole Larsen vart konfirmert i Bud kyrkje 26. september 1841, 16 år gammal, konfirmant nr. 18.


http://www.arkivverket.no/URN:kb_read?i ... x_side=-80


I kyrkjeboka er det opplyst at han var fødd i ”Winge i Gryttens Præsteg”, og at foreldra hans var ”Husmd. Lars Johnsen og Konen Elie Nerland”.


Desse opplysningane har valda meg mykje bry.


På den eine sida er det stadfest at konfirmanten Ole var fødd i Grytten, og at foreldra hadde namnet Lars Johnsen og Eli. Dette stemmer med det innførte i kyrkjeboka for Kors då han vart døypt. Men det opplyste om ”Winge” skjønar eg ikkje noko av. Det innførte i kyrkjeboka for Kors tyder på at han var fødd på Monge, og ikkje på Venge (i Grytten sokn). Kunne Ole og mora Eli Olsdotter Abelstad ha budd på Venge ei tid etter at Ole vart fødd? Og kunne Ole deretter ha budd på Stokke før han i 1841 flytte til Nerland (jf det opplyste då han flytte til Nerland i 1841)?

Det opplyste ved konfirmasjonen i Bud viser også at far til Ole, Lars Johnsen (med namnet Stokke ved dåpen i 1825), budde på Nerland i 1841.


Men skal ein ta bokstaveleg det opplyste i kyrkjeboka for Bud, må ein vel gå ut frå at begge foreldra til Ole budde på Nerland i 1841? Lars Johnsen Stokke og Eli Olsdotter Abelstad må i så fall ha gifta seg etter 05.06.1825. Og i så fall må det på Nerland ha budd 2 Lars Johnsen Stokke i 1840 åra: (1) Lars Johnsen (Stokke) frå Grytten, gift med Eli Olsdotter og (2) Lars Johnsen (Stokke, også frå Grytten?) gift med Mari Davidsdotter (jf temaet ”Ole Olsen Brudeli”).

Dette har eg store problem med å tru noko på. Eg har ikkje makta å finne noko som kan tyde på dette. Men ein kan sjølvsagt aldri vite. Dette siste vil eg difor legge inn som eige tema under Fræna.


For meg står det som mest nærliggjande å tru at presten ved konfirmasjonen fekk opplyst namna til Ole sine foreldre, og at han ved ein feil eller misforståing har skrive ”Konen”. Det kan såleis ha vore berre ein Lars Johnsen (Stokke) på Nerland, gift med Mari Davidsdotter. Og i så fall må han etter dette bevisleg vere frå Grytten.

Det ser då også ut til at presten har hatt dårleg kjennskap til denne familien i og med at han for to av borna til Lars Johnsen og Mari Davidsdotter skreiv ulik far ved dåp og konfirmasjon, slik dette er opplyst i temaet ”Ole Olsen Brudeli”.

Eg vil vere svært takksam for alle synspunkt på ovanståande. Er det kjennskap til to Lars Johnsen Stokke frå Grytten som levde i 1820 åra (den eine far til Ole Larsen i 1825 og den andre kjøpar av garden Øverli på Kleive, også i 1825)? Eller må dette i tilfelle ha vore same person?

Er det nokon som har fleire opplysningar om Eli Olsdotter Abelstad frå Sel i Vågå? Er det ho som vart døypt 23.05.1790 i Vågå med foreldre Ole Abelsen og Guri Olsdotter? Er det nokon som veit om ho døydde i Grytten, gifte seg i Grytten, eller flytte ut frå Grytten? (Dette er førebels ikkje lagt inn under Vågå.)

[dn26165]

Er det ingen som har sett eit einaste spor etter "Pige Eli Olsdatter Abbelstad fra Sell i Waage Præstegjeld"?