Ole og Maren Hansen og Metta Kirstina Hansdatter

[gj03377]

Ole Hansen var fødd på Ølnes i Sogndal 27. desember 1827.

Ole flyttar til Nordland frå Ruggeseter 5. mai 1855, og er registrert som ugift innflyttar til Flakstad 21. mai 1855. Ole giftar seg 26. august 1855 i Moskenes kyrkje med enkje Maren Johanne Paulsdatter fødd 6. februar 1816 i Bergen.

I folketeljinga for 1865 er Ole Hansen busett på Evenstad, matrikkel 95 b, i Flakstad i Nordland. Ole og Maren har ingen born. I hushaldet er også brødrene Hermand Hansen fødd 1842 og Henrik Hansen fødd 1847, begge ugifte.

Ole Hansen Evenstad reiser i 1867 saman med kona Maren og systera Kirstine med seglskipet ”Protector” med avreise frå Stavanger 27. mai 1867 og ankomst Quebec 5. juli. Ole Hansen Evenstad er på linje 224 i passasjerlista, og Kirstine er på linje 265 i passasjerlista.

I folketeljingane for 1870 og 1880 er Ole og Maren Hansen i Duluth i St. Louis County i Minnesota.

Ole si syster Metta Kirstina Hansdatter var fødd på Ruggeseter i Sogndal 30. september 1849.

I folketeljinga for 1865 er Kirstine Hansdatter tenestejente hos systera Sigrid busett i Lervaag i dåværande Gulen kommune, no Solund.

Foreldra til Ole og Metta Kirstine heiter Hans Olsen og Anna Ingebriktsdatter. Foreldra til Maren heiter Cecilia Pedersdatter og Paul Nielsen.

Det eg lurer på er:
1. Kvar og når døydde Ola og Maren ?
2. Kvar vart det av Metta Kirstina ?

Inger Leirvåg