Gjertrud Andersdotter Jordal sine etterkomarar

[Magnar Husby]

Gjertrud Andersdotter Jordal opptrer minst to stader i Gards- og ættesoge for Straumsnes bind III av Ottar Roaldset. Side 254 står det at ho vart gift med Iver Bersveinson Faksvåg på Innergarden i 1846. Og dei er oppført med to barn: Bersvein f 1848 og Anders f 1851. Det står vidare at faren Iver døydde i 1854 og at Gjertrud vart gift på nytt med enkjemannen (dette er truleg feil - for Gjertrud var truleg første kona hans) Bent Johannesson Nålsund i 1858. Dei fekk dottera Brit 16. Januar 1858.
På side 128 står det om Gjertrud og Bernt (heiter han her, ikkje Bent) at dei hadde to barn: 1. Jon f 1853 (altså før første ektemannen til Gjertrud var død - så dette er også truleg feil? Var han son i første ekteskapet til Gjertrud?) 2. Brit f 20. januar 1858 (Dette er truleg same jenta som Brit ovanfor og 20. januar er da truleg dåpsdatoen).
Eg har ikkje prøvd å etterprøve opplysningane til Roaldset, men prøvd å finne kor det vart av barna. I 1865 (folketeljinga) bur nemleg Gjertrud og Bent på Saltkjel. Men ingen av borna bur der. Kvar vart det av dei?
Eg har funne ein av dei, Anders Iversen f 1851. Han var i teneste på garden Helsæt i Kornstad i 1865, og vart konfirmert i Kvernes i 1867. Sjå lenkja:
http://www.arkivverket.no/URN:NBN:no-a1 ... 030816.jpg
Eg har ikkje undersøkt kvar han seinare vart av. Men eg fann ikkje spor etter dei 3 andre barna, Bersvein, Jon og Brit. Har nokon vore borti dette?
(Gjertrud Andersdotter Jordal har to fødselsår hos Roaldset: 1819 side 254 og 1820 side 128. I Sunndalsboka bind 5 side 78 er ho oppført f 1820, og Knut Sæther kommenterer ikkje dette i tillegget sitt, så 1820 er truleg rett. Knut Sæther har funne at ho flytta til Kristiansund i 1846, og det stemmer jo godt med at ho vart gift med Iver Bersveinson Faksvåg.)

[Jonny Lyngstad]

Jeg kan hjelpe deg litt i forhold til Anders Iversen.

Da han ble konfirmert i Kornstad kirke i 1867 står det at han var født 4. mars 1852 i Faksvågen og at han oppholdt seg på Kolset i nåværende Gjemnes kommune. http://www.arkivverket.no/URN:kb_read?i ... _side=-280

Her må altså fødselsåret til Anders sjekkes, var det 1851 som det står i Straumsnesboka eller var det 1852 som konf. viser?

Han ble gift 26. oktober 1882 i Bremsnes kirke med Gurianna Knutsdtr. Dyrset, se par nr. 12 - http://www.arkivverket.no/URN:kb_read?i ... x_side=-69

Denne familien er omtalt i Averøyboka b. 4, s. 394.
Dessuten har jeg notert Tustnaboka b. 1, s. 245 under Anders Iversen. Jeg har dessverre ikke Tustnaboka foran meg, så jeg vet ikke hva dette viser til.

[Knut Sæther]

Her er litt meir informasjon om tre av barna til Gjertrud Andersdotter, samt nokre fleire opplysningar om den andre ektemannen hennar.

Han er nok sonen hennar den Bersvein Ivarsson vi her finn gift med Anne Martha Ingebrigtsdotter Rødset i Fræna i 1883 (par nr. 1). Her er familien i FT 1900. (Eg kan ikkje finne garden Røset omtala i nokon av dei fire bygdebokbinda for Fræna som har kome ut til no.)

Sonen Anders Ivarsson finn vi i kyrkjeboka for Kristiansund registrert døypt litt inne i året 1852 (sjå den tredje innførselen ovanfrå), og dermed ser det ut til å stemme at han var fødd i mars dette året.

Dottera Brit Bentsdotter vart konfirmert i Straumsnes i 1874 (nr. 47). Her går det fram at faren var enkjemann da ho kom til verda.

Her er vigselen mellom Gjertrud Andersdotter og Bent Johannesson i 1858 (sjå innførselen heilt nedst der namna på fedrane deira er lett synlege). I denne forlovarerklæringa frå september 1858 (sjå venstre side) får vi vite at den første kona til Bent heitte Ingrid Andersdotter Hønsvik, at desse hadde gifta seg 20. november 1853 i Frei, og at Ingrid døydde 19. april 1856. Dødsfallet er registrert her.

Helsing Knut.