Legg inn
av Ivar Ståle Ertesvåg » 20 feb 2012 23:07:30
Boka er ikkje så grei å finne fram i. Men dersom trulovingane alt er ført kronologisk, vert dette i 1751; altså etter at Jon Teien si kone var jordfesta.
Boka byrjar med Maria Bodskapsdag 1749. På s. 1 er det innførsler påskedag (6.4. 1749) og så 10.mars. Dersom kronologien er pålitande - og det er slett ikkje sikkert - så har vi kome til 1750. Dinest 11.s.e.tr. på s.2 finn vi 24.s.e.tr, og så Reminisc, som skulle verte 1751 (i så fall 7.mars).
Men... dersom presten gløymde ut eit par trulova 10.mars 1749, og førte dei inn etter påske, er vi framleis i 1750 (i så fall 22.febr).
Lenger ned på s. 2 kjem palmesundag, "Jubilate", 20 Nov. og "Reminiscare" igjen. Det siste må vere 27.feb. 1752, for øvst på s.4 er den neste tidfesta 17 mars 1752 (ikkje trulovingar s.3).
I vigsellista er det ei tidfesting "Exaud 1773" (6.s.e. påske) s.5; tel vi bakover må s. 4 vere 1752, (ingen vigslar s.3), nedst s. 2 finn vi 2.s.i advent kyrkjeåret der det står eit årstal over. Eg les det som 1752 (dvs. kyrkjeåret; altså desember 1751).
s. 1 kan alle vere 1749 (6.s.e. påske til 30.okt). Øvst s. 2 er 3.sundag etter noko som er vanskeleg å lese (kan vere openberring - men ikkje i 1750, påske eller trieining). Eg les det som "Trinit.. Deretter pinse, trinitatis, og 2.s.e.tr., før 2.s. i advent. Dersom eg les "Trinit." rett - og det er strengt kronologisk - må vi ha kome til 1751 når Marit vert gift.
Men uansett rekk ikkje Marit å verte trulova februar 1750, gift, død og jordfesta til 3.s.e.påske 1750.
Då høver det betre om Jon vert enkjemann våren 1750, kona jordfesta, eit års syrgjetid, før han trulovar seg med Marit på våren 1751 og dei giftar seg på sommaren.
Jon Haldorson er vigd 2. sundag i advent, og det må vere 1751 (kyrkjeåret 1752).