Ordførar og stortingsmann (Thomas) Christian Larsen

[dn03738]

Eg leiter etter opphavet til Thomas Christian Larsen (f. 1780-talet, d. 1859).

Han var m.a. ordførar i Farsund by og stortingsmann for Lister og Mandal.

Eg siterer frå "Stortinget og Statsraadet 1814-1914", bd. Ib, s. 534:
"Larsen, Thomas Christian, født i Fredensberg paa Sjælland i 1788, søn av livkusk hos dronning Juliane Marie, Christian Larsen og Dorothea Christine Broberg. Tok juridisk eksamen i morsmaalet, kom som handelsbokholder til Farsund 1816 ..."

Seinare var han handelsfullmektig, forretningsmann, visekonsul, bankdirektør m.m.

Han gifta seg med Johanne Katrine Skougaard i Farsund i 1819. Alderen hans var då oppgitt til 34, dvs. fødsel rundt 1785. Kona var dotter av overtollbetjent Lorentz Severin Skougaard. Dei hadde ein del barn saman.

I 1853 fekk han sonen Kristian med jenta Trine Andreasdtr. Solberg: http://www.arkivverket.no/URN:kb_read?i ... x_side=-83
-- Det er pga. denne "uekte" greina at eg er interessert i han.

Han døydde i Farsund i 1859, oppgitt alder 72 år, dvs. fødsel rundt 1787.

Eg har tidlegare hatt ei etterlysing på Digitalarkivet (det gamle forumet, tema 65550) og på danske Slægt & Data sine sider: http://www.slaegtogdata.dk/forum/index.php?topic=6694.0

Leiting i Danmark har ikkje ført fram. Eg kan ikkje finne dåpen hans, og ingen personar med namn og yrke som tyder på at det er foreldra.

Men kanskje nokon i Farsund eller andre stader i landet kjenner til opphavet til denne karen?