Bind 3/side 050 Hol - Øststu

Svar
Knut Sæther
Innlegg: 2978
Registrert: 23. januar 2007 kl. 11.36
Sted: Øksendal

Bind 3/side 050 Hol - Øststu

Legg inn av Knut Sæther » 30. januar 2013 kl. 22.01

Om brukaren Lars Olsson I står det at han i første ekteskap hadde ei dotter, Beret, og at det er ukjent kven han da var gift med. Vidare er nemnt fire barn som han hadde med den andre kona si, Sigrid Anbjørnsdotter: Anbjørn f. ca. 1654, Nils f. ca. 1655, Ole f. ca. 1658 og Hågen f. ca. 1659.

Så er den neste brukaren Lars Ingebrigtsson omtala:

”Hadde tidligere vært gift (hans første hustru er ukjent) og hadde fra dette ekteskap 4 barn: Ole, Mons, Beret og Gjertrud. Nå giftet han seg med enken Sigrid Anbjørnsdatter. Med henne hadde han sønnen Ingebrigt.”

I 1678 var det skifte etter Sigrid Anbjørnsdotter (folio 118, høgre side):

http://arkivverket.no/URN:sk_read/24636/123/

I skiftet er Anbjørn, Nils og Ole ført opp som dei felles barna til ho og Lars Olsson. Hågen må derfor ha døydd ung, slik det òg står i Sunndalsboka. Elles er nemnt sonen Ingebrigt som Sigrid hadde med Lars Ingebrigtsson.

Vidare i skiftet står følgjande:

”…samme Thid som bemeldte Sirrii Anbiørnsdatter kom i Echteskab med Lauridtz Olluffsen hafer hand 4 Børn med hans forrige Sal. Quinde nemblig Olluff og Maans Lauridtzsønner, item Birgette och Giertrud Lauridtzdøttrer…”

Ut frå namna må dette vere dei same barna som i bygdeboka er ført som Lars Ingebrigtsson sine. Men dei var altså frå det første ekteskapet til Lars Olsson. (At han var far til Birgette/Beret kjem òg fram på folio 118b i skiftet.)

I eit avsnitt i protokollen frå tinget på Sunndalsøra i juli 1695 kan vi lese at Lars Olsson på det tidspunktet hadde sju barn som var i live (folio 77b, andre avsnitt i venstre spalte):

http://arkivverket.no/URN:rg_read/28698/79/

Den eldste sonen hans Ole hadde møtt på tinget for å skaffe seg tingsvitneskjøte, og i samband med dette er søskena til Ole nemnt. Desse søskena var Anbjørn, Nils, Mons, Ole, Gjertrud og Beret. (Kanskje er det nemnt eit søsken til – ”Joen Hoel”?) Her blir altså opplysningane i skiftet om barna til Lars Olsson stadfesta.

Svar

Gå tilbake til «Sunndal: Sunndalsboka»