Minesterialboka Ringsaker, Hedmark, dåp 1852

Moderator: MOD_tydehjelp

Svar
dn27834
Innlegg: 1658
Registrert: 24 nov 2011 21:45:13
Sted: ØVRE SURNADAL

Minesterialboka Ringsaker, Hedmark, dåp 1852

Legg inn av dn27834 » 14 mar 2012 23:46:17

Even nr 18, født 26.1.1852, døpt 29.2.1852, som undervegs har fått "ny" far, slik at han vart Johannesen i staden for Christiansen i minesterialboka ikkje i klokkarboka, kva står det under mora Johannes namn, og kva heiter fadderane:

Kildeinformasjon: Hedmark fylke, Ringsaker, Ministerialbok nr. 9 (1850-1860), Fødte og døpte menn 1852, side 11.nr 18
Permanent bildelenke: http://www.arkivverket.no/URN:NBN:no-a1 ... 310018.jpg

Tek også Klokkarboka:

Kildeinformasjon: Hedmark fylke, Ringsaker, Klokkerbok nr. 6 (1851-1860), Fødte og døpte menn 1852, side 10.nr 18
Permanent bildelenke: http://www.arkivverket.no/URN:NBN:no-a1 ... 980297.jpg

Mvh
Wenche

Ivar Ståle Ertesvåg
Innlegg: 4944
Registrert: 12 des 2004 13:08:07
Sted: TRONDHEIM
Kontakt:

Re: Minesterialboka Ringsaker dåp 1852

Legg inn av Ivar Ståle Ertesvåg » 15 mar 2012 10:31:12

"Krogvigseie. Inderster"
"Mathias Larsen og Johanne Hansdtr. Krogvigseie. Kristian Eriksen. Brithe
Larsdatter ibid. Lars Larsen Skappelseie"

litt avvikande staving i klokkarboka (m.a. "Krogvigeie")

Sidan Even er ektefødd, skulle det vere greit å finne rett far: ektemannen til mora.
Presten har tydelegvis skrive feil, og det er oppdaga i ettertid. I mellomtida har klokkaren skrive av etter presten si bok.

dn27834
Innlegg: 1658
Registrert: 24 nov 2011 21:45:13
Sted: ØVRE SURNADAL

Re: Minesterialboka Ringsaker dåp 1852

Legg inn av dn27834 » 15 mar 2012 12:48:19

Ivar

Tusen takk for tydinga.
Det er ikkje så greit det der med "Ægtefødt" Mora gifte seg 15.11.1851, men sonen født 29,01,1852 har same biologiske far som eine dottera hennar Johanne født tidlegare utanom ekteskap, men både ektemannen Christian, og den biologiske barnefaren, Johannes, hadde Eriksen som etternamn. Så mora var gift når Even vart født, men ikkje med barnefaren. Ikkje heilt greit å vite kva ein skal kalle det da!

Mvh
Wenche

Ivar Ståle Ertesvåg
Innlegg: 4944
Registrert: 12 des 2004 13:08:07
Sted: TRONDHEIM
Kontakt:

Re: Minesterialboka Ringsaker dåp 1852

Legg inn av Ivar Ståle Ertesvåg » 15 mar 2012 14:43:13

tja... pater est quem nuptiae demonstrant («den er far som ekteskapet viser») heitte det i romarretten,
og prinsippet galdt både i 1852 og no ( "Som far til barnet skal reknast den mannen som mora er gift med ved fødselen."; Barnelova §3 http://lovdata.no/all/hl-19810408-007.html#3 )

Så juridisk sett var ektemannen Christian far til Emil.

Rettinga i kyrkjeboka er tydelegvis gjort seinare (det ser vi ved at klokkarboka ikkje er retta).
Kven som har gjort dette, og når, kan vere vanskeleg å seie. Men å føre inn nokon annan enn mora sin ektemann som far er eigentleg ei svært alvorleg sak, sidan kyrkjeboka på denne tida var det offisielle fødselsregisteret. Når det er gjort heilt utan merknad og dokumentasjon, må vi rekne rettinga som feil.
Rettinga er gjort med ei anna handskrift enn den originale. Ein kunne kanskej gått bakover i protokollen (og dei etterfølgjande) og sett om det var skrifta til ein seinare prest. Men det kan like gjerne vere ein privatperson som har gjort dette lenge etterpå.

Har du konfirmasjon for Emil?

dn27834
Innlegg: 1658
Registrert: 24 nov 2011 21:45:13
Sted: ØVRE SURNADAL

Re: Minesterialboka Ringsaker dåp 1852

Legg inn av dn27834 » 16 mar 2012 22:33:15

Det hjelp ikkje Even aldri så mykje om «pater est», for han fekk patronymet Johannesen og vart lægdgut som berre liten. Ved FT 1865 budde mora Johanne Eriksdtr og hennar ektemann Christian Eriksen på Bakken, saman med to av sønene Andreas og Lars. Bakken er staden der dotter til Johanne, Oline,var gift. Johanne fekk Oline før ho sjølv gifte seg, så Oline blir halvsyster til Even også. (Johanne og Christian gifta seg nov.1851, Even født jan.1852)

FT 1865:
http://www.rhd.uit.no/folketellinger/ft ... 21&lnr=000

Og Even var lægsdreng på Aanderud Nedre:
http://www.rhd.uit.no/folketellinger/ft ... 18&lnr=000

Ved konfirmasjon 14.10.1869 er det også «kluss» i kyrkjeboka vedr. Even. Han er innført som Even Liereie, dato for fødsel er stroke ut, men "under" krysset ser ein født 26.1.1852, som er riktig. Og foreldra er innført med Johanne Eriksdtr. Og biologisk far Johannes Eriksen.

Så korleis det enn er, funka det ikkje for Even.

Kildeinformasjon: Hedmark fylke, Ringsaker, Ministerialbok nr. 10 (1861-1869), Konfirmerte menn 1869, side 442. nr 41
Permanent bildelenke: http://www.arkivverket.no/URN:NBN:no-a1 ... 320221.jpg

Svar

Gå tilbake til «Hjelp til tyding av kildemateriale»