Storesmeden Lars Årmot og kona bleiv i elva 1754

[dn37118]

I bygdeboka for Voss, under Årmot står det at Lars Olson Årmot f.1691 drukna i elva i 1754 i lag med andrekona Marta Knutsdtr. Stalheim f.1718. Sitat: «Store-smeden» Lars og andrekona bleiv i elva 1754».
Er det nokon som kjenner til denne hendinga? Eller om den er omtala andre stader?

[Else Berit Rustad]

Dette er nevnt i kirkeboka for Voss. Det står: Gravfæstet Lars Olss. Ormod, gl. 62 Aar itm. hans Kone, Marite Knudsdr. gl. 37 aar.

Gravfestingen fant sted Mikkelsmess, dvs. 29. september, men det står ikke noe om at de druknet i elven.

Lenke til kirkeboka (høyre side, venstre kolonne, nesten øverst):

SAB, Voss Sokneprestembete, H/Haa: Ministerialbok nr. A 8, 1752-1780, s. 46-47
Brukslenke for sidevisning: https://media.digitalarkivet.no/kb20070104610024

Mvh
Else B.
[/i]

[dn37118]

Fantastisk!
Du har leita betre enn eg. Den skrifta fall meg hard å tyde!
Flott å finne ei slik opplysing i ei primærkjelde.
Sidan bygdeboka har med opplysninga om "bleiv i elva", så er der nok nokon på Voss som veit meir, eg får berre halde fram å søke.
Men eg får bekrefta fødselsåra deira (omtrent, betre er ikkje å forvente på den tid) og at dei vart gravlagde i lag, og datoen dei vart gravfesta. Det er ikkje lite!

Lars og Marita etterlet seg (ein gut Lars f.1752) og ei jente, Marita f.1750 på 4 år som ganske sikkert vart oppfostra hos eit av halvsyskena, t.d. Hermund f.1727 på Igdetveit 28.
I 1785 blir denne Marita mor til ei ny Marita f.1785
Lenke: https://media.digitalarkivet.no/view/11769/50
Der går det fram at faren er gift mann Aamund Larson Igdetveit f.1753.
År 1800 er Marita oppført som konfirmant i lag med halvbroren Torkel.
I FT 1801 er Marita oppført i huslyden til faren og sine 8 halvsøsken. Ingen opplysningar om mor.
Har sett antydning av at ho skal vere død 1789, men har ikkje funne det bekrefta.
Så finn eg ingen spor etter Marte/Marita/Maritta før ho er oppført i Herøyboka Gardar og Folk I, der ho er mor til 3 barn (yngste jenta er mi tippoldemor) og opphav til ei svær slekt her på Sunnmøre.

Dåpen til dei tre barna er enkelt å finne, den eldste Petter, er fødd 30/11-1818. Mora er innført som Marte Amundsdatter. Faktisk er eg usikker på kvar bygdebokforfattaren har Vossa-opplysninga frå. Men alt tyder på at dette er same dame, gut nr 2 vert oppattkalla Amund.
Ho døyr 26/12-1868, men ingen har til no funne vigselsdato eller stad for Marte og Mads Guttormsen Nærø f. 1793. Det har visstnok vore leita både i Ørsta, Volda, Ulstein og Herøy (?)

Ei interessant opplysning er at både presten (i Herøy 1787-1801, deretter i Volda) Jørgen Martinus Meldal og prestekona har slekt på Voss, og Marita f.1785 har kalla sin førstefødde Petter Jørgen Martinus! Ein tydeleg link. Like eins er prestens son Even Meldal (merk namnelikskap med prest på Voss) fadder til Maritas yngste.
Ein av teoriane mine er at ho er komen til Sunnmøre via denne prestefamilien, men mellom 1801 og 1818 finn eg ikkje spor av Marte/Marita frå Voss! Det er mitt detektivarbeid for tida....